Azərbaycanda ilk dəfə baş dərisində yeni tüklərin çıxmasına, saçların sürətli uzanmasına və qidalanmasına imkan verən venadaxili terapiya serumu – saç eliksiri həyata keçirilir. Saç eliksiri androgen, diffuz və ocaqlı saç tökülmələrində introvenoz təyin edilir.

Bu barədə Aztibb.az-a trixoloq Aytəkin Quliyeva məlumat verib.

Həkimin sözlərinə görə, zülallar qandakı oksigenin daşınmasını təmin edir. Onlar orqanizmdə bizim saçımızın, dərimizin, daxili orqanlarımızın, əzələlərimizin, gözlərimizin, immun və qan sistemimizin və s. əsasını təşkil edir.

Aytəkin Quliyeva qeyd edib ki, zülalların çatışmazlığı zamanı insanın hormonal fonunda pozulmalar yaranır və zülal çatışmazlığı immun sisteminin zəifləməsinə səbəb olur.

“Bədəninizin sinir funksiyalarını icra etmək üçün zülala ehtiyacı var”, - deyən trixoloq A.Quliyeva saçların zülal-enerji qaynağı olan saç eleksirinin tətbiqinin əhəmiyyətindən danışıb.

Həkim bildirib ki, bu üsul damar yolu ilə qan dolaşımına 100% qarışan bir müalicə metodudur. Serumun tərkibi bütün saç tipləri üçün uyğun olan gücləndirici serumlardan ibarətdir.

“Saçlarınıza canlılıq verən və cəmi 20 dəqiqə tələb edən bu prosedur 5 seans olmaqla həftədə 2 dəfə tətbiq olunur”, - deyə həkim vurğulayıb.

https://innews.media/az/news/id-24073